قصتي مع قرعة أمريكا من 2012 الى 2019 (مراطون السنوات )


خديت الباك ف 2012 بحال كاع الناس كنت تالف شنو ندير من بعد شي كيكول ليا دير اسطا شي كيكول لافاك ِِ.... واخا راسي قاسح كانت باغي نمشي لافاك باش نجربها حيت كيكولو صعيبة منقدرش نكمل لمهم مشيت تسجلت فحال كاع ناس فشهر 9 وكريت مع دراري صحابي ( انور وإسماعيل تحية لكم ) فشهر 10 بدأ التسجيل في قرعة أمريكا كانت خاصني تصويرة تم كانت كندي تصويرتي القديمة عند مول السيبير كيسكانيها وكيسجلني وكنخلصو وكيعطيني ديك ورقة كل عام نفس سيستيم. فشهر 5 كلقى الجملة الشهيرة you are has been not selected😰😢 حتى ل 2015 كلت علاش منتصورش وندرها ف cd او DVD نسجل راسي راني وصلت الاجازة بديت كنعرف شحال من حاجة راسي خصوصن المعلوميات عزيزة عليا. مشيت تصورت وجيت صورة فقرص هيا هاديك ديما كنتسجل حتى كيقرب اسالي التسجيل جبت الحاسوب ديالي ودخلت الموقع الرسمي وكذلك مساند الرسمي ديالي هههه كوكل تراديكشن صافي حاجة لمكنفهامهاش كندير لها الترجمة. هيا هاديك اخوتي راه غير كنتسجل كنسى شيحاجة سميتها القرعة حيت كنت مركز غير على القراية وشوية التفلية مرة مرة هههه لمهم وصلت شهر 5 من عام 2015 او 2016 معقلتش مشيت قلبت على كومفيرمايشن نمبر لقيتو دخلت السيت كيكون تقيل شوية دخلت المعلومات ديالي هنا كتكون الصدمة 🇺🇸😢😰😰😰ههههه راه باينة غادي لقى نفس الجملة نوت سيليكتد لهم صافي غير كنشوف النتيجة كنساها فحال معمري دفعت لها حيت إلى بقيتي معلق امالك على حاجة وحدة ومجاتش كتكون الصدمة قوية نفس الحاجة ترات ليا ف 2017 تسجلت مشفتش كاع نتائج حتى شهر 9 ههه لقيت نفس جملة الشهيرة وكذلك 2018 والو ماكنش مكتاب ليا تخرج ليا وانا مزال كنقرى حتى شهر 10 من 2018 كنت كنقرى ماستر مبقى والو اسالي تسجيل كلت علاش مندفعش كنت فمدينتي لهيا تيفلت مشيت عند واحد لكافي لكنكلس فيها حطيت الحاسوب ديالي فالكافي وخرجت مشيت نتصور باش نجيب معايا التصويرا ونتسجل فنفس الوقت لقيت واحد البنت تم شرحت لها بلي بغيت تصويرة ديال القرعة عطيتها مواصفات كلت لها بلا فوتوشوب بلا تبياض تعطيها ليا كيف هيا حتى هيا نصحتني كلت ليا نفس الشيء تصاور ديال فوتوشوب مكيتقبلوش لمهم تصورت وقفت عليها عطاتها ليا ف USB مشيت كافي جبت الموقع مكاين لا كوكل تراديكشن لا والو سيت حفظتو هههه صافي تسجلت جبت ريسي خليتو فالبيسي .
نسيت القرعة كانو عندي امتحانات جبت وراق الزبدة واراك لتحراف معادلات كيميائية لمهم اخوتي وصلت شهر 5 لقاني ف الدارالبيضاء كان عندي ستاج تما راكوم عرفين كنمشيو ستاج كنجيو عيانين الاه كنتيبو لعبو البارشي آلله اسمح ليا من دراري ديما سلخهوم. هههه لمهم منطولش نهار خرجت القرعة مشفتهاش حتى دازت 3 أيام خرجات نهار 7 نهار 10 كنت داخل الفيس كنشوف شي فرحان شي كيسول على العنوان شي كيسول على كيس نمبر واش صغير او كبير انا مزال مشفت كان الاه أذن المغرب فطرنا رجعت تجبدت وانا نجبد التيليفون دخلت فحالي فحال كاع ناس نشوف اش كاين كوبيت كومفيرمايشن نمبر دخلت السيت درت المعلومات هنا كانت صدمة لقيت رسالة لعمري شفتها وليكيتمنها اي واحد متصوروش قمة الفرحة والخلعة فنفس الوقت متيقتش تام نيت جبت حاسوب باش نتأكد دخلت معلومات وهنا صدمة الثانية لقيت
You have been randomly selected for further processing in the Diversity Immigrant Visa
عقلو على رسالة هنا غادي بحث عن مجهول عن معلومات .... صافي كانت اول عائق لي ملقيتش شكون اعطيني العنوان باش نعمر دس260 انا كنقلب على العنوان فنفس وقت هبطت تيفلت باش نصاوب الباسبور فظرف سمانة دبرت على عنوان من عند واخد صاديق في كروب واتساب الحمد لله اما تكولو ليا العائلة مكاين لعقل عليك فهاد الوقت الحمد لله ربي مخيبناش تياسرت الامور فكولشي انا الان في امريكا بالنسبة لمراحل الفيزا والمقابلة في القنصلية غادي تكون قصة 2
هادشي كتبتو ماشي باش نعيق عليك او نبان عليك هادشي كتبتو باش تعم الفائدة على كلشي ونكون نفعتكوم بشي معلومة على اقل